your guide to damnation

Mga kwento ng katatakutan na hindi ko alam kung may katotohanan.

Setting: Malamang sa bahay namin, Sa receiving area. Around 11pm.

Habang nagkwekwentuhan sa labas... Bigla kaming nakarinig ng bata o baby ata 'yun na umiiyak.

HS Tropa X: May narinig kayo?
Ako: Oo, parang bata na umiiyak.
HS Tropa Y: Huh? Wala naman akong narinig ah.
Ako: Weh? 'Di ko nga pinansin kasi kala ko guni-guni ko lang eh, eh narinig nya rin pala.
HS Tropa X: Baka naman may baby sa kapit-bahay nyo.
Ako: Ang alam ko wala... Pero iba ang iyak ng baby kumpara dun sa narinig natin kanina eh.
HS Tropa X: Oo nga eh
Ako: Pasok tayo. Nakakatakot eh.

Pumasok kami. Binuksan ko ang PC at nagpatugtog ng MP3. Naka-shuffle ang playlist ko at laman ng playlist na 'yun ang lahat ng mp3 sa pc ko(not classified accdg to genre).

Ako: Hehe para di masyadong nakakatakot.
HS Tropa Y: Astig, Huling El Bimbo!

Tumayo ako at may hinanap na kung ano sa cabinet, sa 'di-malamang kadahilanan ay nakita ko ang picture ng aking yumaong lolo.

Ako: TAENA!! Ba't andito 'to.
HS Tropa X: Ano 'yon?
Ako: Picture ng lolo ko.

Natapos ang Huling El Bimbo. Sinundan eto ng Like a Stone at sinundan ng Buloy.

Ako: SHIT! Ba't puro nakakatakot ang na-plaplay? (May ikinuwento kasi saming interpretation ng Music Vidoe ng Like a Stone at interpretation ng meaning ng lyrics nito. NAKAKATAKOT!)
HS Tropa X: Oo nga no, kanina Huling El Bimbo eh 'di ba sa kantang 'yun may namatay din tapos sa Buloy may namatay din.

ni-Shut Down ko ang PC. Umakyat kami sa Terrace upang magpahangin.

Ako: Wow! Full moon pala
HS Tropa Y: Oo nga no.
Ako: Ay! Naikwento ko na ba sa inyo 'yung history ng lugar na to bago itinayo 'tong bahay namin?
HS Tropa X: 'Di pa

Ikinuwento ko ang malagim na karanasan ng isang Taxi Driver na nahold up sa harap mismo ng bahay namin. Sa kasamaang palad, pinatay sya ng mga hold-uper at itinapon ang katawan nya sa bakanteng lote na ngayon ay kinatatayuan ng aming bahay.

HS Tropa X: Shit! Nakakatakot pala 'yun
Ako: Hehe, teka kunin ko 'yung radyo para di masyadong tahimik. Nakakatakot eh.

Kinuha ko ang radyo at nang isasaksak ko na ang plug nito, BOOM. Pumutok.

Ako: POTA!! Anong nangyari dito. Taena p're 'di na normal to.

Pumasok kami sa loob. 'Di ko alam kung bakit pero tinamaan kaming tatlo ng antok. Naiwanan naming nakabukas ang pinto ng terrace. Si HS Tropa X Nakatulog sa sahig, si HS tropa Y nakatulog sa harap ng pinto at ako nakatulog sa rocking chair.

Setting: Sa sala, 4:00am

Maaga akong gumising noong araw na yoon. Kaya di ko talaga alam kung multo ba yun o imahinasyon ko lang. Pagbaba ko sa sala, noong bubuksan ko na ang ilaw, nakakita ako ng maliit na batang lalaki sa harap ko. Sana guni-guni ko lang yun.

Setting: Sa kuwarto ni kuya.

Kwento ni HS Tropa A. Noong naiwan daw siya sa taas habang naglalaro ng Counter-Strike, may nakita daw siyang babaeng naka itim na mahaba ang buhok.

Setting: Sa Kwarto ko

Kwento ni Tita. May nakita daw siyang babaeng nakatalikod na may mahabang buhok at nagsusuklay. Ang babaeng ito rin kaya ang nakita ni HS Tropa A?

Setting: Sa Kwarto nila Mama

Kwento ni mama. Nakakita daw siya ng babaeng naka itim. Siya rin kaya ang babaeng nakita ni tita?

Setting: Sa kwarto ulit ni Mama

Nasa loob kaming dalawa ni mama. May kumatok ng tatlong beses, pinagbuksan ko ngunit walang tao.

Setting: Sa Sala. Madaling araw

Kung ano anong footsteps ang aking naririnig habang nag aadik sa pagpapalevel ng aking wizard.

Setting: Sa ibat ibang parte ng bahay.

Nasisira ang mga gamit o appliance namin sa bahay ngunit kapag dinadala na sa pagawaan e wala naman daw sira. Nangyari na ito sa playstation namin at sa printer namin. Nangyari din ito sa CPU ng computer sa taas. Ipinagawa namin, kinuha nung gumagawa upang ayusin at ibinalik kinabukasan. Pagkabalik sa amin, nasira ulit. May ilan ilan ding pagkakataon kung saan biglang lumilipat ng channel ang TV.

Sana hindi ito nabasa nung babaeng naka itim!!

Ano? Sleep over tayo samin? Anytime!! hahahaha :D